Një shtetas shqiptar, rreth 50 vjeç, u ekzekutua nga një bashkëatdhetar i tij në qytetin e Selanikut mesditën e sotme në një pikë karburanti në rrugën Solonos.
Sipas mediat greke, dy shqiptarët janë përplasur për mosmarrëveshje financiare. Ata mësohet se ishin miq dhe të njohur në zonën ku ka ndodhur ngjarja.
Autori dhe viktima ishin ulur së bashku në një kafene pranë vendit të krimit, kanë thënë dëshmitarët. Ata janë konfliktuar aty dhe më pas janë larguar nga kafeneja me makinat e tyre.
Dy shqiptarët kanë ndaluar në një pikë karburanti për të mbushur automjetet e tyre me karburant dhe kanë nisur të konfliktohen sërish.
“Njëri nga të dy doli nga automjeti i tij dhe qëlloi tjetrin me armë dhe u zhduk, para syve të tmerruar të kalimtarëve”, ka thënë për mediat greke një dëshmitar.
Policia po punon për gjetjen e autorit i cili është larguar me shpejtësi rrugicat e lagjes.
https://www.youtube.com/watch?v=4LqndWrv5U0&t=10s
