Dhjetë ditë para fillimit të Kupës së Botës për femra në Australi dhe Zelandën e Re, futbolli zambian është tronditur nga një skandal seksual. Një skandal vetëm pak ditë para një Botërori. Futbolli i Zambias është përfshirë nga një ciklon i vërtetë.
Trajneri i femrave të Zambias, Bruce Mwape, është duke u hetuar për abuzim seksual ndaj disa prej lojtareve të tij, siç raporton “The Guardian”. Kujtojmë se Zambia do të marrë pjesë në Botërorin e Femrave në Australi dhe Zelandën e Re, teksa është në Grupin C së bashku me Spanjën, Kosta Rikën dhe Japoninë.
Në këto orë, me sa duket, koka është projektuar për çështje të tjera. Federata e futbollit të vendit afrikan dhe FIFA kanë hapur një hetim për Mwape. Në “The Guardian” kanë mbërritur deklaratat e një lojtareje nga Zambia, e cila nuk ka dashur të japë identitetin e saj: “Nëse Mwape dëshiron të flejë me dikë, duhet të thotë po. Nuk është normale që trajneri të flejë me lojtaret e ekipit tonë…”
Lojtaret, siç ka thënë edhe një burim pranë skuadrës, kanë qenë viktima të kërcënimeve të trajnerit. “Federata preferon të mbyllë një sy, sepse kombëtarja e femrave po ecën mirë. Është mënyra e tyre për të treguar një imazh të mirë të ekipit kombëtar para publikut dhe autoriteteve. Por situata në prapaskenë është e keqe”.
Ja njoftimi zyrtar për shtyp nga Federata e Futbollit të Zambias: “Megjithëse nuk ka pasur ankesa zyrtare nga askush në lidhje me akuzat, ne i konsiderojmë ato shumë serioze dhe kemi hapur një hetim për këtë çështje. Ne do bashkëpunojmë me policinë e Zambias dhe palët e tjera të interesuara”.
