Skënderbeu dhe trajneri Ivan Gvozdenoviç janë bërë me “dhimbje koke” sapo kanë mësuar që Randi Dumfur do të vonohet edhe më shumë.
Burime pranë “Korça Boom” bëjnë me dije se mbrojtësi do të vonohet edhe e pakta dy javë të tjera. Arsyeja e kësaj vonese do të jetë pajisja me vizë dhe kjo do të bëjë që të mbërrijë rreth fundit të muajit korrik në qytetin juglindor të Korçës.
Një gjë e tillë pritej, teksa Randi nuk është i vetmi i huaj që has vështirësi në marrjen e vizës. 22-vjeçari është titullar te Skënderbeu dhe i tillë pritet të jetë edhe në superligën e ardhshme.
Trajneri Ivan Gvozdenoviç mezi e pret, në mënyrë që të bashkohet me skuadrën dhe të arrijë formën e tij optimale deri në startin e sezonit të ri.
Deri në fund të korrikut që do të mbërrijë Randi Dumfur është një kohë vërtet e gjatë, por gjithsesi në kampin bardhekuq presin dhe shpresojnë që mbrojtësi të pajiset sa më parë me vizë që të udëtojë më pas drejt Shqipërisë.
