Konflikti që ndodhi më 6 korrik në Borizanë të Krujës, ku fisi i ish-deputetit socialit Rrahman Rraja dhunoi brutalisht dy antarë të fisit Maja, vijon të jetë kryefjala e mediave.
Ditën e sotme janë publikuar edhe mesazhet e shkëmbyera mes anëtarëve të fisit Maja dhe administratorit të gurores Alfred Karaj, një ditë para sulmit barbar.
Në një foto të publikuar nga Balkanweb, shihet biseda e fundit mes Andi Majës, djali i xhaxhait të dy personave të dhunuar Bilbil dhe Jashar Majës dhe Alfred Karajt, teksa ishin bërë disa denoncime në polici dhe protesta për guroren që po iu shkaktonte dëme në banesë për shkak të shpërthimeve me eksploziv.
Nga mesazhi shihet qartë kërcënimi dhe paralajmërimi që Karaj i bënte fisit Maja.
“Nuk më vini dot gjobë, do takohemi e do më njihni”, thuhet ndër të tjera.
