Partizani njoftoi ditën e djeshme rinovimin e kontratës së Andi Hadroj për 3-vjeçarin e ardhshëm.
Mbrojtësi i djathë bëhet ylli i rradhës që vijon aventurën e kuqe pas Arinaldo Rrapajt. Të dy lojtarët, siç ndodhte rëndom në vitet e fundit, pritej të shiteshin pas një sezoni fantastik në Superiore.
Mirëpo, Partizani ‘befason’ të gjithë teksa risjell një strategji e cila ‘mungonte’ që nga koha e Skënderbeut të artë.
Presidenti Gaz Demi jo vetëm që ka bindur yjet si Rrapaj e Hadroj për të vazhduar në Shqipëri, por ka hapur edhe thesin duke shpenzuar shuma të mëdha në merkato.
Nuk është e zakonshme që ekipet shqiptare të shpenzojnë para për blerje lojtarësh pasi financaj janë shumë të limituara dhe i besohet vetëm tregut me kosto zero.
Por, te Partizani nuk ndodh kështu. ‘Demat’, vitet e fundit kanë treguar se nuk kanë frikë të shpenzojnë duke iu besuar talentëve në vend e rajon.
Lojtarë si Preka, Murataj, Rrapaj, Cara, Mensah, Mba e së fundmi treshja Albers Keko, Adnard Mehmeti e Pano Qirko janë afruar të gjithë në këmbim të parave ‘cash’.
Sipas një përllogaritje, Partizani raportohet se kanë shpenzuar plot 500 mijë euro në 2-3 vitet e fundit.
