Presidenti brazilian, Luiz Inácio Lula da Silva ka kritikuar zgjedhjen e italianit, Carlo Ancelotti si trajner i kombëtares.
“Më pëlqen Ancelotti, por ai kurrë nuk ka qenë trajner i Italisë. Nëse ai do të zgjidhte problemet e Brazilit, pse nuk merret me çështjet në Itali, i cili nuk mori pjesë as në Kupën e fundit të Botës?”, tha Lula për transmetuesin SBT.
“Është shumë e lehtë të stërvitësh një ekip në Evropë me 11 lojtarë të kombëtares”, tha Lula duke iu referuar klubit aktual të Ancelottit, ‘Real Madrid’.
Presidenti i federatës braziliane të futbollit CBF, Ednaldo Rodrigues, tha se Ancelotti do të marrë detyrën në verën e vitit 2024.
Deri atëherë, Fernando Diniz do të veprojë si trajner i përkohshëm për një vit.
“Më pëlqen Diniz, më pëlqen kreativiteti dhe personaliteti i tij. Është një shans i mirë dhe e di që do ta shijojë”, tha Lula.
Diniz do të marrë drejtimin e ekipit duke vazhduar edhe si timonier i klubit të Rio de Zhaneiros, ‘Fluminense’.
CBF raportohet se ka një marrëveshje verbale me Ancelottin, i cili ka një kontratë me Madridin deri më 30 qershor 2024, dhe mund të nënshkruajë ligjërisht me një ekip tjetër vetëm janarin e ardhshëm.
Trajneri nuk ka konfirmuar ende një marrëveshje me CBF-në.
