Teuta ka zyrtarizuar pak minuta më parë afrimin e dy futbollistëve. Bëhet fjalë për ish-sulmuesin e Partizanit, Realdo Filit dhe mesfushorin shkodran Arsid Krujën.
Realdo Fili në të kaluarën ka qenë pjesë e klubeve si Apolonia, Partizani, Kamza, Skënderbeu e Luftëtari në elitën e futbollit shqiptar, në vitet e fundit provoi eksperienca jashtë.
Ai fillimisht shkoi te Botoshani në Rumani e më pas te Çernomorets Odesa në Ukrainë.
Pas kësaj eksperience të fundit, Fili ishte në kërkim të një skuadre dhe më së fundmi gjeti akordin me durrsakët.
Ndërkohë në garë për shërbimet e Krujës ishte edhe një ekip në Maqedoni, por në fund lojtari ka zgjedhur të rikthehet te “djemtë e detit”, aty ku luajti edhe në sezonin 2016-2017.
Në afrimin e tij te Teuta ka ndikuar shumë edhe fakti që e njeh mirë ambientin, pasi Teuta ka qenë një nga mbështetësit e mesfushorit që para 6 sezonesh duke i dhënë besim dhe e aktivizuar më së shumti si titullar.
