Kreu i grupit parlamentar socialist, Taulant Balla ofendoi studentët e mjekësisë kur tha se ishin mbledhur një grup prej 10-15 personash për të kundërshtuar vendimin e qeverisë e cila synon të mbajë “peng” për 5 vite diplomën e mjekëve të rinj.
Balla reagoi ndaj kryetarit të opozitës, Sali Berisha që kërkoi tërheqjen e projektligjit që kushtëzon mbajtjen e diplomës.
Ndërkohë, Sali Berisha reagoi duke i thënë Ballës se është eksponent i krimit.
“Të dashur studentët dhe gjimnazistë. Parafolësi është një eksponent i botës së krimit. Është një person që përfaqëson këtu klanet më të rrezikshme, më mafioze të vendit. Është një person, i cili në dosjet e prokurorisë figurojnë dhjetëra kilometra të tëra telefonata me vrasës, trafikantë, përdhunues, etj. Asnjëherë mos prisni kurrë që kjo racë e shpifur që ka pushtuar parlamentin, të mendojë ndryshe, përveçse keq për ju dhe me urrejtje. Meqë përmende xhaxhin tënd, unë nuk e kam vizituar kurrë atë . Por po vazhdove do të tregoj historinë e qershive, kur të nxirrte sekretari i parë te qershia,” tha Berisha.
