Një tjetër protestë paralajmërojnë studentët e mjekësisë së Univeritetit të Tiranës.
Bëhet me dije se protesta do të zhvillohet nesër në orën 10.00 para Fakultetit të Mjekësisë. Studentët janë ngritur në protestë për të kundërshtuar propozimin e qeverisë për punësimin e tyre pas përfundimit të studimeve.
Kryeministri Edi Rama ka injoruar “kauzën” e studentëve të mjekësisë dhe qeveria e drejtuar prej tij ditën e sotme ka vendosur që të “detyrojë” mjekët e rinj të qëndrojnë në Shqipëri, në një kohë kur vendi ynë po përjeton shifra alarmante të shpopullimit.
“Çdo student i mjekësisë që futet rishtaz në sistem e ka të detyrueshme 5 vite pune në Shqipëri, pastaj merr diplomën. Kjo nuk është kusht qe pranohet ose jo, por kështu do të jetë formati i Universitetit të Mjekësisë. Rregull absolut për të gjithë. Ata që tashmë e kanë filluar universitetin më herët do të kenë kushtin që të punojnë në Shqipëri për disa vite, në mënyrë -progresive, por vetëm nëse pranojnë. Ndryshe do të paguajnë tarifën e plotë. Tarifa do të përcaktohet”, tha Rama duke bërë me detyrim punësimin per 5 vite të mjekëve të rinj.
Vendimi i qeverisë/ Rama “shpërfill” protestën e studentëve: 5 vjet punë të detyruar
