Flamurtari ka qenë shumë aktiv në këtë merkato vere, duke plotësuar vendet që ka pasur bosh pas largimeve të shumta në fund të sezonit. Kuqezinjtë kanë prezantuar së fundmi edhe mbrojtësin Eni Imami, i cili sezonin e fundit ishte pjesë e Dinamos duke qenë ndër më të dalluarit.
Vetë klubi vlonjat e ka zyrtarizuar afrimin e Imamit, i cili bëhet kështu lojtari më i ri që firmos në mbrojtje, pas Ilieskit. Ndërkohë, kuqezinjtë kanë zyrtarizuar edhe afrimin e një sulmuesi nga Bosnje Hercegovina.
Sulmuesi Aleksa Mrdja është prezantuar nga kuqezinjtë. Futbollisti 24 vjeçar ka firmosur me Flamurtarin ditën e sotme teksa në të shkuarën ka luajtur për ekipe si Rad e Buducnost e të tjera skuadra mes Malit të Zi dhe Serbisë, teksa sipas “Transfermarkt”, ai ka shënuar vetëm 3 gola në karrierën e tij, pikërisht në sezonin e fundit.
