27-vjeçari, Okba B, është dënuar me burg të përjetshëm pasi sulmoi dy vajza me thikë, ku njëra prj tyre ndërroi jetë.
Ngjarja ka ndodhur në Gjermani, ku Prokurorët thanë se ai i sulmoi vajzat pasi ato e panë me thikë, të cilën ai synonte ta përdorte në një zyrë lokale emigracioni. Ata thanë se ai ishte i zemëruar për dështimin e zyrtarëve për t’i dhënë atij një pasaportë, e cila i nevojitej për t’u martuar në Etiopi, shkruan BBC.
Eritreasi kishte mbërritur në Gjermani në vitin 2015, gjatë një fluksi jashtëzakonisht të madh azilkërkuesish, shumë prej tyre refugjatë që ikin nga lufta dhe persekutimi.
Okba B i tha gjykatës se ishte penduar për veprimin e tij dhe u kërkoi falje familjarëve të viktimave. Ky rast shkaktoi shumë zemërim në Gjermani, por familjet e vajzave thanë se nuk dëshironin që ai të shfrytëzohej politikisht nga grupet kundër emigracionit.
