Në një kohë kur kryeministri Edi Rama “mburret” çdo ditë me rritjen e numrit të turistëve, Shqipëria e qeverisur nga socialistët nuk plotësojnë as bazën elementare për të pritur pushuesit në vendin tonë.
Së fundmi Pogradeci ka shfaqur problematika serioze pasi prej ditësh qytetarët dhe bizneset në këtë zonë po përballen me mungesën e ndërprerjes së energjisë elektrike.
Kanë qenë qytetarët, të cilët përmes “Top Channel”, kanë denoncuar fenomenin duke pyetur të shqetësuar nëse do të ketë më mungesa të energjisë elektrike.
Sipas qytetarëve është nata e tretë tashmë, që s’ka drita në thuajse gjysmën e qytetit për orë të tëra.
“Nata e tretë në Pogradec që nuk ka drita/energji vetëm disa orë. A do ketë më kufizim energjie? Është pothuajse gjysma e qytetit…”- shkruhet në denoncim.
