Gjykata e Kukësit ka liruar nga burgu 57-vjeçarin Xhevit Sopaj, duke i caktuar masën e sigurisë “arrest shtëpie”. Ai u arrestua tre ditë më parë nën akuzën për falsifikim të dokumenteve shtetërore.
Lirimi i tij nga burgu ishte kërkesë e Prokurorisë, e cila u aprovua nga Gjykata. Për këtë çështje nën hetim janë edhe dy mjekë, si dhe një funeral me emrin “Blini”.
Çfarë ka ndodhur?
Xhevit Sopaj, 21 vite më parë, në moshën 36-vjeçare, pasi ishte martuar dhe bërë me dy fëmijë në vitin 1998 me dalin e tij K.S., dhe vajzën A.S., në vitin 2000, vendosi të bëhet sërish prind në vitin 2002. Por këtë herë jo në mënyrë natyrale apo me birësim por duke sjellë në jetë një fëmijë që nuk kishte lindur kurrë.
Ai arriti duke falsifikuar kartela lindje në maternitet e më pas në gjendjen civile që në vitin 2002 ekzaktësisht më 13 nëntor 2002 të bëhet me fëmijën e tretë dhe vajzën e tij Ariola Sopaj.
Të gjithë këtë, e bëri për të përfituar ndihmë më të lartë ekonomike nga shteti, 40 mijë lekë të vjetra asistencë, pasi sipas ligjit të kohës, familja duhej të kishte 3 fëmijë.
Kur do duhet ti festonte 19-vjetorin vajzës së tij të tretë e cila ekzistonte vetëm në letra dhe nuk kishte bërë kurrë një ID apo pasaportë, Xhavit Sopaj po nëpërmjet falsifikimit vendosi të çregjistroj atë duke e shpallur të vdekur, në fillim të Janarit të vitit 2021.
Shpallja e vdekur e Ariolës e cila s’lindi kurrë dhe s’ka një varr fizik është bërë pasi Xhavit Sopaj ka nisur punë roje në Ujësjellës Kanalizime Kukës dhe s’mund të merrte edhe pagën edhe ndihmën ekonomike nga shteti.
Ky fëmijë që nuk lindi kurrë u pagua nga shteti për 19 vite. Nën operacionin e Koduar “Regjistri” krimi ekonomik në Kukës ka zbuluar aktivitetin kriminal të falsifikimit të dokumenteve, me qëllim përfitimin.
