Partizani hyn sot në ditën e 14-të të stërvitjeve në fazën përgatitore në Pogradec. Të kuqtë po bëhen gati për përballjen shumë të rëndësishme me Bate Borisov në Champions League, më 11 korrik në Air Albania.
Kur mbeten fiks 10 ditë nga përballja e madhe, 3 lojtarë vënë në hall trajnerin Zoran Zekic. Arinaldo Rrapaj mungon prej 2 ditësh në stërvitje teksa vuan nga një problem në këmbë. Mesfushori pas një përplasjese ka humbur thoin e këmbës dhe për disa ditë nuk mund të veshë atletet.
Vlonjatit i shtohen edhe dy të tjerë në infermieri. Golashënuesi i ekipit, Viktor Da Silva ka munguar gjithashtu në stërvitjen e djeshme. Braziliani ka një mbingarkesë nga intesiteti i ditëve të fundit dhe nuk luajti në miqësoren me Strugën.
Pas Da Silvas, është Maguette ai që iu bashkua brazilianit anash fushës duke bërë ushtrime ç’lodhëse. Afrikani i është bashkaur vonë grupit dhe ende nuk ka kapur formën e duhur fizike.
