Ish-zyrtari i Policisë, Albert Nushi është në listën e personave për të cilët prokuroria e Elbasanit dha pretencën lidhur me vrasjen e ndodhur në Elbasan para zgjedhjeve të 2021-it.
Për të, akuza ka kërkuar 2 vite shërbim prove për akuzën e shpërdorimit të detyrës, ndërsa gjatë hetimeve ka rënë akuza për manipulim provash.
Për këto dy vepra penale ndaj tij u ekzekutua masa e arrestit shtëpiak më 27 qershor 2022. Asokohe, mbante postin e zëvendësdrejtorit të policisë së Beratit.
Në këtë rast, prokuroria dhe gjykata kanë vlerësuar se Nushi dhe trupa policore u treguan të paaftë për të shmangur ngjarjen.
Albert Nushi konsiderohet si një “njollë e zezë” në radhët e policisë dhe vulën e këtij emërimi ja vuri shërbimi ndaj vëllait trafikant të ish-ministrit të Brendshëm, Fatmir Xhafaj.
Nushi është një prej personave përgjegjës për manipulimin e provave në çështjen “Geron Xhafaj”, për të cilin u ngritën dyshime se vijonte trafikun e narkotikëve, ndërkohë që ishte i dënuar në Itali dhe vijonte lëvizjen lirshëm në Shqipëri.
Albert Nushi, asokohe në pozicionin e drejtorit të Policisë së Fierit, manipuloi dëshmitarin e rremë Fredi Alizoti për të rrëzuar bisedën e regjistruar ndërmjet Agron (Geron) Xhafaj dhe një personi tjetër, Albert Veliu.
Lexo edhe:
Albert Nushi/ “Zari” i Geron Xhafaj arrestohet për manipulim provash
