Administrata Tatimore e Kosovës ka bërë me dije se për 12 biznese të sektorit të klubeve të natës, janë marrë masa.
Disa biznese në Kosovë janë gjobitur pasi nuk kanë lëshuar kuponë fiskal pas shërbimeve të ofruara. Administrata Tatimore e Kosovës ka bërë me dije se për 12 biznese të sektorit të klubeve të natës, janë marrë masa.
Është konstatuar se janë lëshuar 163 gjoba në vlerë 41 mijë euro, për të cilat do të iniciohen raste penale. ATK thotë se këto aktivitete kanë evidentuar edhe 77 punëtorë të pa regjistruar, si dhe janë konfiskuar 7 printer jo-fiskal.
“Gjatë inspektimeve, inspektorët kanë identifikuar disa raste ku klubet e natës, restorantet dhe baret e ndryshme, nuk po i respektojnë rregullat tatimore – kryesisht në lëshimin e kuponëve fiskal. Andaj, si rezultat i këtyre aktiviteteve janë vizituar 12 subjekte biznesore, tek të cilat është konstatuar se nuk kanë lëshuar kuponë fiskal pas shërbimeve të ofruara. Me këtë rast, janë lëshuar 163 gjoba në vlerë 41 mijë euro, për të cilat do të iniciohen raste penale. Këto aktivitete kanë evidentuar edhe 77 punëtorë të pa regjistruar, si dhe janë konfiskuar 7 printer jo-fiskal”.
Administrata Tatimore e Kosovës rikujton të gjithë personat të cilët merren me aktivitete afariste, se në bazë të legjislacionit tatimor aty ku nuk kërkohet të lëshohet faturë tatimore, janë të obliguar që të pajisen me pajisje elektronike fiskale (PEF) / sistem fiskal (SF) dhe të lëshojnë kuponë fiskal.
