Armando Broja është padiksutim një nga talentet e kombëtares shqiptare. Sulmuesi kuqezi këtë sezon shpreson që me Chelsea të jetë protagonist.
Të gjithë në fakt presin me padurim rikthimin e tij nëfushë, pasi një dëmtim i marrë vitin e kaluar e mbajti për disa muaj larg fushave.
21-vjeçari në një rrëfim për faqen zyrtare të klubit ka rrëfyer se si nisi dashuria për Blutë e Londrës dhe çfarë emocionesh përjetoi kur shkeli për herë të parë një stadiumin “Stamford Bridge”.
“Nuk e mbaj mend mirë cila ndeshje ishte, por luante Çelsi në “Stamford Bridge”. Isha diku te 5-6 vjeç dhe mbaj mend që xhaxhai im më mori në një ndeshje. Ai ishte një nga arsyet pse u bëra tifoz i Çelsit sepse ai ishte ndoshta fansi më i madh i Chelsea në botë. Kisha të veshur një shall dhe një kapele të Chelsea. E harrova se kush po luante sepse isha shumë i vogël, por ishte një nga eksperiencat më të bukura në jetën time, kur isha në atë moshë. Ishte vërtet shumë qejf.
Unë përherë doja të shkoja me xhaxhain, vetëm ndonjëherë shkoja me babin, por më së shumtin e rasteve me xhaxhain dhe ishte e mrekullueshme për të që të më merrte dhe të përjetoja atë eksperiencë në atë moshë. Pati vërtet shumë impakt tek unë.
Kur e pashë për herë të parë “Stamford Bridge” ishte e jashtëzakonshme, numri i njerëzve që ishin aty, zhurma rreth stadiumit, sa shumë impakt i jepnin lojtarët i dhanë tifozëve kur dolën në fushë. Ishte një çmenduri e vërtetë dhe që nga aty isha: “Uau, dua që një ditë të luaj te kjo fushë”. Aty filloi çdo gjë.
Është vërtet emocionuese kur shikon lojtarët që zbresin nga autobusi, të ecnin te tuneli, gjëra të tilla. Është e mrekullueshme kur hyn brenda në stadium. E mbaj mend që shkuam të merrnim për të ngrënë, unë mora një hamburger dhe më pas u ula në tribunë ta haja, teksa më pas mora një nga flamurët që ishin te stolat dhe e valëvisja. Më pas pashë lojtarët që zbritën në fushën e lojës. Më duket se isha ulur në anën e poshtme të perëndimit. Ishte vërtet një eksperiencë e pabesueshme.
Kur isha një djalë i vogël, xhaxhai im ishte i pari që më veshi me një bluze të Chelsea kur isha vetëm dy vjeç. Mamaja ime i tha atij të ndalonte, por ai insistonte që unë të bëhesha një tifoz i londinezve. Kështu që unë u rrita si një tifoz i Chelsea dhe çdo gjë filloi nga aty”, ka rrëfyer Broja.
