SPAK ka arrestuar 14 persona deri më tani në kuadër të një aksioni anti-drogë të autoriteteve vendase në bashkëpunim me partnerët.
Hetuesit kanë dokumentuar një sërë episodesh të trafikimit të hashashit, si ndaheshin rolet mes anëtarëve të grupit, mënyra si operonin dhe detaje të tjera.
Një punonjës policie, i cili punonte në drejtorinë kufitare vendore në Shkodër, komunikonte me trafikantët, zbuloi prokurori i SPAK, Vladimir Mara.
GJKKO ka lëshuar 21 masa sigurie me kërkesë të SPAK, nga të cilat 20 arrest me burg dhe 1 arrest në shtëpi. 14 janë ekzekutuar deri më tani në disa qytete të vendit si Tiranë, Durrës, Elbasan, Vlorë e Korçë, ndërsa operacioni është në vijim.
Kryesori i grupi rezulton Endrit Bakiu.
Ky i fundit rezulaton i arrestuar edhe në vitin 2021. Asokohet policia njoftoi se në mjetin tip “Porsche” që drejtohej nga Bakiu u gjetën 77 pako me marijuanë çokollatë, me peshë totale 30.640 kg. Po ashtu, blutë bënë me dije ai informohej nga një tjetër person për prezencën e policisë në rrugë, po ashtu i ndaluar. “Nga hetimet ka rezultuar se sasia e lëndës narkotike të kapur nuk është prodhuar në Shqipëri, por është trafikuar nga një vend tjetër”, njoftote policia në informacionin e shëprndarë për mediat lidhur me aksionin e koduar “Kritikal”.
Nga një verifikim në Qendrën Kombëtaretë Biznesit, rezulton se Bakiu dhe anëtarë të tjerë të grupit, janë pronarë të kompanive që merren me transport kombëtar e ndërkombëtar pasagjerësh dhe mallrash.
Masat e dhënga nga Gjykata:
- Endrit Bakiu
- Suko Pajo
- Artur Sulaj
- Arian Tola
- Fadjon Çami
- Viron Lekaj
- Artan Agalliu
- Shpëtim Pjeshka
- Jani Çavo
- Kudret Rustemaj
- Besnik Ruçi
- Pirro Çapi
- Jani Meçja
- Edmond Kabashi
- Tomi Hila
- Leonard Nergjoni
- Artin Kurti
- Astrit Miska
- Ervis Çvilo
- Mirash Gjoni
- Sonila Sula (arrest shtëpie)
