Shokët e 18-vjeçarit, Enjo Saliaj, që vdiq në një aksident në Tiranë në shkurt të këtij viti, kanë protestuar para SPAK, teksa sot është seanca e parë e themelit.
Me pankarta “Duam drejtësi”, të rinjtë kërkojnë mos lirimin nga qelia të shoferit që shkaktoi aksidentin.
“Dalim për të kërkuar drejtësi, do e ndjekim deri sa të mbarojnë gjyqet. Kemi parë shumë raste në Shqipëri dhe anashkalohen gjëra të tilla.
Do të kërkojmë që të jemi në seancë, do futemi“- thanë ata në një për mediat.
18-vjeçari humbi jetën mbrëmjen e 2 shkurtit në një aksident që ndodhi në zonën e Freskut në Tiranë. Enjo Saliaj, po udhëtonte me motor, teksa u përplas nga një makinë me drejtues Sildi Krashi i cili u arrestua. Ky i fundit u largua nga vendi i ngjarjes, duke braktisur edhe mjetin për tu arrestuar më vonë nga blutë e kryeqytetit.
