Një burrë i moshës 46-vjeçare është marrë në mbrojtje nga policia, pas denoncimit që ka bërë në komisariatin numër 1 në kryeqytet.
Sipas burimeve policore, F.T. është paraqitur në komisariat një ditë më parë dhe para bluzave të bardha ka deklaruar se ka rënë pre e dhunës psikologjike nga i vjehrri 74-vjeçar. Pas kallëzimit, policia lëshoi urdhër-mbrojtjeje për 46-vjeçarin dhe nisi një hetim për 74-vjeçarin B.D..
“Më datë 07.01.2018, u plotësua kërkesë-padia për lëshimin e Urdhrit të mbrojtjes së menjëhershëm, për shtetasin B.D, vjeç 46 banues në Tiranë, pasi dyshohet se vjehrri E.SH vjeç 74, banues Tiranë, ka ushtruar dhunë psikologjike ndaj tij. Materialet i kaluan Gjykatës së Rrethit Gjyqësor Tiranë. Ligji nr. 9669, datë 18.12.2006, ‘Për masa ndaj dhunës në marrëdhëniet familjare’”, njofton zyrtarisht Policia.
