Aldi Gjumsi do të jetë futbollisti më i ri i Teutës. Durrsakët kanë arritur akordin me lojtarin i cili ka firmosur ditën e sotme kontratën e re dhe do të jetë përforcimi i dytë i ekipit pas Ergys Peposhit, bën me dije shtypi i shkruar.
Gjumsi është prodhim i akademisë së Tiranës dhe ka luajtur vetëm për këtë fanellë në tre sezonet e fundit ku në 58 ndeshje ka shënuar 2 gola e 4 asiste. Sulmuesi 21-vjeçar është pjesë edhe e Kombëtares U-21.
Gjumsi do të vihet nën urdhërat e trajnerit Diego Longo së shpejti dhe do të nisë për herë të parë një aventurë jashtë kryeqytetit.
