Për deputetin demokrat Bledion Nallbati, zgjedhjet për kryetarin e Partisë Demokrate, po kryhen në një proces fiktiv e pa garë. I ftuar në Tirana Live, në ABC Neës, Nallbati kërkoi reflektimin e të gjithëve, në mënyrë që PD të kthehet në alternativë në 2025.
“Për aq kohë sa konsiderojmë se nuk ka proces, s’ka as garë. Nuk mund të ketëgarë reale në një proces fiktiv. Nuk do qëndrojmë në heshtje, një grup deputetësh me lidhje të fortë me bazën do kontaktojë të gjithë anëtarët e Këshillit Kombëtar, për të marrë mendimin nëse janë apo jo dakord me mënyrë sip o kryhet ky process. Nëse shumica nuk do jetë dakord do kërkojmë mbledhjen e këshillit për të marrë një vendim si do procedojmë me PD. E konsiderojmë proces jo statutor.” u shpreh ai, ndërsa theksoi se për Partinë Demokratike është e nevojshme të ketë një reflektim dhe hapa pas nga persona të caktuar.
“Së pari urojmë të ketë reflektim. Duket utopike në fakt, nëse nuk do ketë do ndjekim hapat e nevojshme për të parandaluar këtë proces fiktiv. Momentet e reflektimit kanë qenë të pakta, të gjithë duhet të kuptojnë se pa reflektim, pa një hap pas të të gjithë palëve nuk krijojmë dot sukses. Për të qenë alternativë për nesër. Në 2025, nëse hyjmë të ndarë në dy apo tre pjesë, kjo do e zhbënte PD, ky është dëmi i Shqipërisë. PD është një aset kombëtar. Më mënyrën si po kthehet basha në PD nuk i sjell asnjë të mirë PD. Nuk është betejë e Bashës me deputetët, e ka gabim nëse e mendon kështu. Unë jam promovuar në kohën e Bashës, kam hyrë herët, në PD, nuk kam asnjë problem me të. Ne e kemi problemin me procesin. Sot në PD nuk është emergjencë kryetari por unifikimi i faktorit opozitar.” vijoi me tej Nallbati.
Ndër të tjera deputetit demokrat theksoi se demokratët duhet sot të ulen për të analizuar pse ndodhen në këtë situatë.
“Duhet të ulemi të bëjmë një analizë me cfarë ka ndodhur ku na ka cuar kjo situatë. Se një parti me nje kryetar, me sigël e vulë, Shqipëria ka 200.” u shpreh ai.
