Deputeti i Partisë Demokratike, Bledjon Nallbati ka reaguar ashpër pas vendimit të gjykatës për të vendosur masën e sigurisë “detyrim paraqitje” ndaj vëllait të tij, Alti Nallbati, pas një konflikti me një shofer kamioni në Bilisht.
Nallbati akuzon prokuroren e çështjes si ish-vartëse të ministrit Niko Peleshi, duke thënë se kjo është një çështje e inskenuar me urdhër politik. Ai shprehet se kryeministri Rama e përdori këtë ngjarje për të shmangur përgjegjësinë për keqqeverisjen dhe për të devijuar vëmendjen publike gjatë vizitës së tij në Devoll.
“E dëgjuat dje Ramën në Devoll. Foli një orë për këtë rast, jo për zonën, jo për të ardhmen. Kjo është tallava politike” u shpreh deputeti.
Ai ngriti pikëpyetje përse çështja u delegua në Korçë, ndonëse kompetenca i takonte komisariatit të Devollit, dhe theksoi se do ta çojë rastin në SPAK. Nallbati e mbylli reagimin me tone të forta kundër kryeministrit, duke thënë se nuk trembet nga inskenime të tilla dhe duke mbrojtur vëllain e tij si “kapedan” që ndihmon qytetarët.
“Prokurorja, ish vartëse e Niko Peleshit i cili u mor personalisht në falsifikimi ne kësaj akuze tha para gjykatës që nuk i ka parë pamjet por thotë se kërkon një masë sigurie dhe vlerësoi si të drejtë arrestimin në flagrancë. Gjyqtarja u bë pjesë e kësaj maskarade politike dhe këtij inskenimi. E dëgjuat dje kryeministrin Rama në Devoll. Erdhi për të kërkuar votën, foli një orë e ca dhe nuk përmendi asgjë çfarë ka bërë për zonën, as për të ardhmen, por u mor vetëm me këtë rast. Kjo u inskenua që Rama të shmangte përgjegjësinë e tij për keqqeverisjen dhe të merrej me këtë tallava. Unë i pyes prokuroren dhe gjyqtaren, a ma justifikojnë dot pse me urdhrin e drejtorit të policisë, u delegua që kjo çështje të punohej në Korçë, ndërsa kompetencat i ka komisariati i Devollit. Unë e kuptoj, drejtori i policisë, Niko Peleshi janë eunukë të paburrë që marrin urdhra dhe zbatojnë urdhra të verbër nga shefi i tyre Edi Rama. Nuk e kam këtë deklaratë me ata, do ua jap ligjërisht. Ky rast sapo ka filluar. Kanë marrë në qafë një polic që ka firmosur me urdhër. E ftoj atë djalë të shkojë pa qenë nevoja ta çoj unë, dhe pse unë do e çoj në SPAK dhe kudo tjetër. Të tregojë pse e bëri një gjë që nuk i takon. Sot dua t’i them Edi Ramës, këtij skërfyelli 2 metra të gjatë, hajdutit më të gjatë që ka njohur politika, që nuk më tremb me këto inskenime. E di që je djali i Kristaqit dhe nipi i Spiros që jo vetëm kanë burgosur njerëz, por i kanë varur në litar. Pas 11 majit ti do shërbesh si gallof për të trembur zogjtë në ara, por as atë nuk do e bësh se do jesh në burg se do marrësh përgjigjen nga shqiptarët. Unë dhe vëllai im nuk trembemi. Erdhe në Devoll dhe the që vëllai im është kapo, ai nuk është as gjysmë metri i gjatë dhe as kapo. Ai është kapedan, sepse pret e përcjell këdo dhe i ndihmon me çfarë mundet, ndërsa vëllai yt akuzohet nga agjencitë ndërkombëtare të inteligjencës si trafikant i kokainës në Shqipëri”, u shpreh ai.
Lexo edhe:
Sherri me grushte në Bilisht/ Lirohet vëllai i deputetit Bledion Nallbati
