Partia Demokratike e vulës po mban një proces zgjedhor farsë më 29 Korrik për të rizgjedhur sërish Lulzim Bashën në krye të saj, dukshëm me një skenar të përgatitur nga ky i fundit që prej momentin kur e autorizoi drejtimin e partisë tek Enkelejd Alibeaj dhe në media e paraqiti si dorëheqje.
Vendimet për këto zgjedhje po merren në mënyrë të njëanshme, në shkelje të statutit, dhe askush nuk ka thënë se sa dhe kush ka qenë në mbledhjet e Këshillit Kombëtar apo Kryesisë, nëse plotësohet kuorum i nevojshëm.
Gjithsesi, pavarësisht këtyre teknikaliteteve, Kryesia miratoi ditën e djeshme kandidaturat, pa surpriza, ku dy kandidatët në “garë” do të jenë Lulzim Basha dhe ish i përndjekuri politik, Gjergj Hani
Por, a ka rivalitet në këto zgjedhje?
Gjergj Hani, më shumë sesa rival i Bashës, duket një simpatizant i këtij të fundit. Pak ditë më parë, edhe pse e kishte bërë me dije kandidaturën e tij për kreun e partisë, Hani mori pjesë në një takim që Lulzim Basha zhvilloi me një grup simpatizantësh të tij në zonën e Kombinatit në kryeqytet.
Kjo u mësua nga fotot e publikuar nga vetë Basha në postimin e tij në rrjetet sociale, ku përballë tij shihej i ulur edhe Gjergj Hani. Kjo të lë përshtypjen se kandidatura e tij është sa për të patur një “rival” Basha përballë dhe ta shpallë fitoren me të madhe më 29 Korrik.
Një gjë që të bën përshtypje është edhe fakti se Gjergj Hani, në daljet televizive merret vetëm duke sulmuar Berishën, ndërkohë që garën e ka me Lulzim Bashën.
Gara e Bashës me Gjergji Hanin, të kujton farsën e Edi Ramës në vitin 2009 me Maqo Lakrorin. Asokohe Rama për mbajtur PS-në sajoi një garë formale me Maqo Lakrorin. Aq sa tregohet si barsaletë që Maqo lëvizte në të njëjtën makinë me Ramën gjatë takimeve me socialistët nëpër Shqipëri.
Nuk është aspak çudi që edhe Basha me Gjergj Hanin t’i zhvillojnë bashkë takimet nëpër degët e PD-së, duke qenë se pas tyre kanë vetëm një numër të vogël mbështetësish.
