Georginio Wijnaldum luajti 14 ndeshje me Romën gjatë huazimit për një sezon dhe tashmë është i detyruar të kthehet në Paris, te PSG. Mesfushori holandez la të hapur të gjitha mundësitë, sa i takon të ardhmes.
“Nuk e di akoma të ardhmen time. Më duhet të shoh PSG-në, ka shumë gjëra për të sqaruar. Në media lexojmë se ata do të kenë një trajner të ri, por nuk e di plotësisht qartë. Nëse ata do të donin të më mbanin mua, unë do të pranoja. Unë nuk e kam humbur besimin, jam ende i njëjti lojtar që isha te Liverpool.”
ROMA – “Ishte një sezon i shkurtër pas dëmtimit, zgjati vetëm tre muaj e gjysmë. U ktheva në Romë në dhjetor, pasi isha në Holandë për rehabilitim. Klubi më ndihmoi shumë gjatë kësaj kohe dhe më pëlqeu shumë të luaja atje” – Tha ai.
