Ambasadorja a SHBA në Tiranë, Yuri Kim ka mbajtur fjalimin e lamtumirës, teksa mbaron misionin e saj në Shqipëri.
Kim tha se është e lumtur që ka vizituar 61 bashkitë e vendit. Ambasadorja në ikje tha se Shqipëria ka bërë përparim në Reformat e Drejtësisë edhe pss nuk janë ende perfekte, por që sipas saj, po japin rezultate.
“Gjatë këtyre 3 viteve kam patur ndrin të përfaqësoj presidentin në Shqipëri. Si një ambasadore e re e etur për të theksuar lidhjen e veçante mes Shqipërisë dhe SHBA, plotësova misionin e tim. Gjatë këtij misioni jam mirënjohëse që e njoha këtë vend, vizitova 61 bashkitë e tij dhe si çdo ambasador të jap kontributin tim në demokraci, mbrojtje dhe biznes. Shqipëria ka bërë përparime të mëdha, sidomos në drejtësi që i dha mundësinë të hapte zyrtarisht negociatat për BE. Reformat e Drejtësisë nuk janë përfekte, por po japin rezultate dhe këmbëngulja po jep frute. Mos ndaloni, vazhdoni të ecni përpara hap pas hapi deri sa të arrini qëllimin. SHBA do jetë me ju.
Ne kemi vlerësuar partneritetin tuaj në mbështetjen e Ukrainës dhe në përballje e pushtimit brutal të Rusisë. Marrëdhëniet SHBA-Shqipëri s’kanë qenë kurrë më të forta. Kemi bërë progres historike në demokraci, mbrojtje dhe biznes. Vitin e kaluar përkujtuam 100-vjetoritn e marrëdhënieve diplomatike të SHBA dhe Shqipërinë.
Kemi bërë hapa të mëdhenj për partneritetin tonë. Kemi ende punë për të bërë, por shpresoj që përparimi i 3 viteve do të na inspirojë edhe më tej që të mos dorëzohemi. Unë do e lë Shqipërinë me respekt të thellë për historinë, traditat, këmbënguljen tuaj. Do iki me mirënjohje për dashamirësinë tuaj. Do të largohem me simpati dhe solidaritet për padurimin tuaj për një të ardhme më të mirë për fëmijët tuaj.”– thotë Yuri Kim.
