Policia ka zhvilluar ditën e sotme kontrolle, me urdhër të SPAK, në kampin e MEK të muxhahedinëve në Manzë, operacion i cili është shoqëruar me përplasje dhe pasoja fatale.
Gjatë përplasjes me policinë ka humbur jetën një person dhe janë plagosur 15 muxhahedinë, të cilët ndodhen aktualisht tek Trauma për të marrë ndihmë mjekësore.
Mësohet se të plagosurit janë të gjithë jashtë rrezikut për jetën, sakaq viktima është transportuar drejt spitalit të morugut, ku pritet që të kryhet edhe ekspertiza për të zbuluar shkaqet e vdekjes së tij.
Ndërkohë për sqarimin e plotë të rrethanave të ngjarjes dhe përplasjes së policisë me muxhahedinët, në Manzë, pritet një konferencë për mediat e Muhamet Rrumbullakut.
