Pak orë na ndajnë nga Bjellorusi-Kosovë, sfidë kjo që do të luhet në kuadër të xhiros së katërt në kualifikueset e “EURO 2024”.
“Dardanët” mbrëmë kanë zhvilluar stërvitjen e fundit në Budapest para ndeshjes me Bjellorusinë.
Kosova në këtë duel nuk do të llogarisë në shërbimet e Elbasan Rashanit të lënduar, por në dyshim është edhe paraqitja e Milot Rashicës.
Megjithatë, trajneri Alain Giresse beson se skuadra e tij, do ta fitojë duelin me bjellorusët.
Kombëtarja jonë në këtë cikël garash, ka zhvilluar tri ndeshje dhe po aq barazime.
Ndeshja Bjellorusi-Kosovë fillon në orën 20:45.
Formacioni i mundshëm i Kosovës
Kosova: Muriq, Paqarada, Aliti, Rrahmani, Vojvoda, Kryeziu, Fazliji, Celina, Muslija, Zhegrova, Muriqi.
