Autoritetet policore italiane, pas hetimeve nga Prokuroria e Breshias, kanë goditur një organizatë kriminale të trafikimit të lëndëve narkotike, duke lëshuar 11 urdhër-arreste në total.
Në krye të grupit qëndronin dy vëllezër shqiptarë me banim në Fiesole, të cilët në Toskanë kishin ngritur bazën logjistike dhe qendrën e klasifikimit për ngarkesat e drogës që lëviznin drejt Italisë veriore. Ata përdornin makina të modifikuara posaçërisht për të transportuar fshehurazi drogën që importohej në rrugë tokësore në Itali nga Belgjika dhe Holanda.
Dy vëllezërit përdorën një korrier italian me banim në provincën e Pistoias, të cilit iu besua detyra për të shkuar jashtë vendit për të tërhequr ngarkesat e kokainës.
Për udhëtimet, korrieri përdori dy makina, të sekuestruara, të pajisura me sedilje të dyfishta që lejonin fshehjen e drogës dhe kalimin e çdo kontrolli policor.
Fundjavën e kaluar karabinierët në përfundim të hetimeve ndaluan korrierin që po kthehej në Firence. Nën sedilen e pasme të një automjeti tip “Nissan” të tij, ata zbuluan një ndarje, hapja e së cilës mund të bëhej vetëm nëpërmjet një butoni që ishte fshehur nën tapetin e gabinës, në të cilën ishin fshehur dhjetë pako kokainë me peshë 10 kilogramë për një vlerë rreth 800 mijë euro.
Policia arrestoi 7 personave në flagrancë dhe sekuestroi gjithsej 11 kg kokainë, 1 kg marijuanë dhe rreth 50 mijë euro cash. Mes të arrestuarve ka edhe shqiptarë të tjerë.
