Lefter Maliqi ka njoftuar një “prononcim të jashtëzakonshëm për media” për ditën e Premte.
“Të dashur miq, nesër në ora 09:30, para godinës së KQZ, ju ftoj më ndiqni në një prononcim të jashtëzakonshëm për media, kundër mafies dhe oligarkëve. S’ka kthim pas! Demokracia do të fitojë! Pavarësia e drejtësisë së kapur duhet të arrihet me çdo çmim”, shkruan Kandidati i opozitës për Bashkinë e Kuçovës në lokalet e 14 Majit, në një postim në rrjetet sociale.
Maliqi ka ankimuar rezultatin e zgjedhjeve në Kuçovë, të fituara me rezultat të ngushtë nga kandidati i PS-së.
Pas rrëzimit të kërkesës nga KQZ dhe KAS, koalicioni opozitar ‘Bashkë Fitojmë”, nën siglën e të cilit garoi Maliqi, ka bërë ankim në Kolegjin Zgjedhor.
