Jocelin Behiratche është një nga mbrojtësit më të kërkuar gjatë kësaj merkatoje.
23-vjeçari pas 2 vitesh e gjysmë te Tirana do t’i japë fund aventurës me bardheblutë.
Por gjithësesi mbrojtësi nuk do të largohet nga kryeqyteti. Dinamo do të jetë skuadra e radhës për Behiratchen.
Sipas informacioneve palët kanë arritur marrëveshjen mes tyre dhe tashmë pritet vetëm zyrtarizimi. Në fakt firma është “çështje” orësh.
Behiratche më pas do të vihet menjëherë nën urdhrat e Dritan Mehmetit për të nisur më pas edhe përgatitjet për sezonin e ri. 23-vjeçari këtë sezon me Tiranën ka arritur të luajë në 28 ndeshje, ndërsa ka arritur të shënojë edhe një gol.
Eksperienca e tij në elitë do të ndihmonte Dinamon sezonin e ardhshëm, me drejuesit që “blindojnë” në këtë mënyrë prapavijën.
Kujtojmë se “Nëndetësja” sezonin e ardhshëm do të garojë në Superiore, pasi siguoi ngjitjen nga Kategoria e Parë.
