50 makina të tonazhit të lartë janë bllokuar ditën e sotme në Burrel.
Makinat të cilat transportojnë mineral kromi nga minierat e Bulqizës në drejtim të Durrësit janë bllokuar, tek vendi i quajtur “Kthesa e Sanës”.
Drejtuesve të 50 mjeteve transportuese të mineralit të kromit u është komunikuar se unaza e sipërme, e saporikonstruktuar, nuk do të jetë më e lejueshme për makinat e tonazhit të lartë.
Por ky vendim nuk është pritur mirë nga drejtuesit e mjeteve të kromit.
Ata kanë kërkuar që vendimi për to të jetë i zbatueshëm vetëm kur të jetë e rregulluar me sistemim asfaltim unaza e poshtme.
Sipas tyre, në gjendjen ku ndodhet ky segment rrugor bëhet shkak për dëmtimin e mjeteve.
