Donald Trump është deklaruar i pafajshëm për 37 akuzat penale federale që e akuzojnë atë për mbajtje të paligjshme të dokumenteve të sigurisë kombëtare pas largimit nga detyra.
Kërkesa e tij u paraqit para gjykatësit të magjistraturës amerikane, Jonathan Goodman, ndërsa seanca u mbyll për kamerat dhe transmetimet.
Ish-ndihmësi i Trumpit, Walt Nauta, i akuzuar po ashtu në këtë çështje, u paraqit gjithashtu në gjykatë.
Sakaq, mësohet se mund të kalojë një vit para se çështja të arrijë në fazën e gjykimit.
