Shtatë turistë të huaj janë bllokuar në Kanionin e Langaricës, në Përmet, pasi kishin shkuar atje të eksploronin zonën. Mirëpo, nga reshjet që kanë nisur prurjet e lumit janë shtuar dhe niveli i ujit është rritur, duke bllokuar turistët.
“Shërbimet e Komisariatit të Policisë Përmet dhe shërbimet zjarrfikëse, janë nisur në drejtim të zonës ku kishin mbetur të bllokuar turistët. Në ndihmë kanë shkuar dhe anëtarët e federatës shqiptare “Rafting Albania”. Turistët janë lokalizuar në Kanionet e Langaricës dhe falë punës së mirë-organizuar, turistët e huaj janë nxjerrë nga terreni i vështirë ku kishin mbetur të bllokuar”, njofton policia.
Behet me dije se turistët janë në gjendje të mirë shëndetësore.
