Prokuroria e Posaçma ka dhënë këtë të hënë pretencën për inceneratorin e Fierit. Gjatë seancës, SPAK ka kërkuar 10 vite burg për ish ministrin e Mjedisit Lefter Koka. Duke llogaritur gjykimin e shkurtuar, Koka do të vuaj 6 vite e 8 muaj burgim nëse shpallet fajtor. Ndërkohë që për Sekretarin e Përgjithashëm të Ministrisë së Mjedisit akuza ka kërkuar 7 vite burg, që shkon në 4 vite e 8 muaj, pas gjykimit të shkurtuar
Për pronarin e kompanisë së inceneratorëve, Klodian Zoton, SPAK ka kërkuar 12 vite burg, që përllogaritet në 8 vite pas gjykimit të shkurtuar.
Për Arben Dervishaj, ish-supervizorin që akuzohet për falsifikimet e situacioneve SPAK ka kërkuar 4 vite burg. Nëse shpallet i fajshëm ai do të duhet të kalojë 2 vite e 8 muaj burg pas gjykimit të shkurtuar.
Po ashtu, për Kokën, Bllakon, Dervishajn dhe të akuzuarit e tjerë që kanë pasur funskione publike, prokuroria kërkoi edhe dënim plotësues, 5 vjet heqje e të drejtës për ushtrim funksionesh publike.
Akuzat e reja
SPAK kërkoi ndryshimin e akuzës për Sekretarin e Përgjithashëm të Ministrisë së Mjedisit, Alqi Bllako, duke iu rikthyer akuzës fillestare për shpërdorim detyre si zyrtar i lartë shtetëror dhe jo si funksionar publik, gjë e cila rëndon pozitën e tij. Edhe për Arben Dervishin u ndryshua akuza nga korrupsion në sektorin privat në korrupsion publik. Qëndrimi i akuzës u kundërshtua nga avokati i Bllakos.
“Ne gjithmonë e kemi deklaruar dhe para gjykatës se akuzat kanë qenë të padrejta dhe të pareferuara për aktet penale, por kanë qenë dyshime. Ne i qëndrojmë të njëjtës gjë, si në seancën paraprake. Gjykata duhet të mbajë qëndrim të thjeshtë. Për sa kohë prokuroria i qëndron të njëjtës akuzë, duhet të pushojë çështjen. Pra është vetëm akuza e shpërdorimit të detyrës. Ky është një qëndrim joligjor, jo në përputhje me kodin, por është jokushtetues. SPAK, vepron jo në përputhje me kodin e procedurës penale, por dëmton interesat e qytetarëve”, tha ai për gazetarët jashtë ambienteve të gjykatës.
Edhe Klodian Zotos iu shtua akuza për veprën penale “krijimi i skemave të mashtrimit”.
Akuzat ndërkohë janë pushuar për Robert Shabanin, dhe i veçuar mbetet gjykimi për Silvester Drizan.
Ndërkohë, tre të pandehurit e tjerë, Etleva Kondi, Arenc Myrtezani dhe Guiseppe Cafaglione do vijojnë procesin me gjykim të zakonshëm.
Sipas SPAK, për inceneratorin e Fierit u paguan 4 milionë euro për punë që nuk u kryen asnjëherë, ndërsa dëmi i shkaktuar në buxhetin e shtetit është vlerësuar në 60 milionë lekë.
Dënimi i kërkuar nga SPAK, secilit të pandehur i ulet 1/3 nga gjykimi i shkurtuar:
- Lefter Koka: 10 vite burg, për shkak të gjykimit të shkurtuar kërkohen 6 vite e 8 muaj
- Alqi Bllako: 7 vite burg, për shkak të gjykimit të shkurtuar kërkohen 4 vite e 8 muaj burg
- Klodian Zoto: 12 vite burg, për shkak të gjykimit të shkurtuar kërkohen 8 vite burg
- Arben Dervishaj: 4 vite burg, për shkak të gjykimit të shkurtuar kërkohen 2 vite e 8 muaj burg
- Arjola Kodra: 3 vite burg, për shkak të gjykimit të shkurtuar kërkohen 2 vite burg
- Pellumb Abeshi: 4 vite burg, për shkak të gjykimit të shkurtuar kërkohen 2 vite e 8 muaj burg
- Florian Muçaj: 3 vite burg, , për shkak të gjykimit të shkurtuar kërkohen 2 vite burg
- Azem Shatëri: 3 vite burg, për shkak të gjykimit të shkurtuar kërkohen 2 vite burg
- Erjon Murataj: 4 vite burg, për shkak të gjykimit të shkurtuar kërkohen 2 vite e 8 muaj burg
- Sabina Cenameri: 4 vite burg (pezullim dënimi, për shkak se ka një fëmijë të mitur)
- Loran Dusha: 8 vite burg, për shkak të gjykimit të shkurtuar kërkohen 5 vite e 4 muaj burg
- Arbër Denizi: 7 vite burg, për shkak të gjykimit të shkurtuar kërkohen 4 vite e 8 muaj burg
- Juri Imeraj: 7 vite burg, për shkak të gjykimit të shkurtuar kërkohen 4 vite e 8 muaj burg
- Regan Merdani: 4 vite burg, për shkak të gjykimit të shkurtuar kërkohen 2 vite e 8 muaj burg
- Gentian Zifla: 4 vite burg, për shkak të gjykimit të shkurtuar kërkohen 2 vite e 8 muaj burg
