Pas protestave nga punëtorët e uzinës së Ballshit ka reagua Shoqëria Ionian Refining & Trading Company – IRTC SHA.
Kompania bën me dije se situata mund të zgjidhet vetëm përmes garantimit të furnizimit të rafinerisë me naftë bruto, në mënyrë që të punojë me kapacitet maksimal.
“Shqetësimi i punonjësve të rafinerise të cilin ata po e shprehin përmes protesës së tyre, është njëherësh edhe shqetësimi ynë me kryesor.
Gjithë këtë kohë kemi investuar energji, burime njerëzore dhe financare që të garantojmë një vazhdimësi të punës së rafinerisë që garanton po ashtu të ardhura për punonjësit.
Gjatë vitit 2017 rafinerija e Ballshit është fikur 10 herë për shkak të mos furnizimit me nafte bruto. Furnizuesi ynë kryesor, njëherësh dhe furnizuesi i vetëm në treg me naftë bruto nuk na e ka bere kete gje te mundur.
Ai preferon të eksportojë naften në tregun e huaj sesa të furnizojë rafinerite vendase. Kjo është arsyeja e vetme pse shoqeria IRTC nuk arrin të operojë Rafinerinë e Ballshit dhe rrjedhimisht të permbushë detyrimet e saj me punonjësit dhe nënkontraktoret e saj.
Ne vazhdojme të bëjmë përpjekjet tona maksimale që të normalizojmë këtë situatë për të garantuar furnizimin me naftë bruto, dhe shpresojmë ne mbeshtjejen e autoritetit të konkurencës në trajtimin e kësaj çështje me prioritet absolut. Shoqeria do te ndjeki te gjitha hapat ligjore për të garantuar të drejten e saj dhe dëmshperblimin që i takon per situaten në te cilen ndodhet ajo dhe punonjesit,” ka deklaruar IRTC.
