Një 23-vjeçar është shpallur në kërkim nga policia, pasi ka plagosur një të moshuar në Himarë.
Blutë bëjnë me dije se pas një konflikti për motive të dobta shtetasi H. L., 23 vjeç, ka goditur me grushte, duke e dëmtuar rëndë në kokë, shtetasin A. M., 55 vjeç, i cili ndodhet në spital, nën kujdesin e mjekëve.
Njoftimi:
Himarë/Informacion paraprak
Sot, rreth orës 15:50, në vendin e quajtur “Kryqëzimi i Kampit”, në Dhërmi, dyshohet se pas një konflikti për motive të dobëta, shtetasi H. L., 23 vjeç, ka goditur me grushte, duke e dëmtuar rëndë në kokë, shtetasin A. M., 55 vjeç, i cili ndodhet në spital, nën kujdesin e mjekëve.
Vijon kontrolli i zonës për kapjen e autorit të dyshuar të ngjarjes.
Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.
