Përmirësimi i sistemi të shëndetësisë ka qenë premtim elektoral në të dyja mandatet e qeverisë Rama, madje u premtua dhe për shëndetësi falas, por që më vonë rezultoi një dështim total.
Problemet e shëndetësisë jo vetëm që nuk morën fund, por po përkeqësohen nga dita në ditë.
Urgjenca e spitalit të Durrësit ndodhet në kushte skandaloze përsa i përket mungesës së medikamenteve. Në urgjencë mungojnë elementët më fillestar, duke filluar nga shiringa dhe deri tek qetësuesit. Ndërsa për medikamente të tjera nuk bëhen fjalë të gjendent, stafi i urgjencës përveçse mund të lirojë një krevat nuk mund të bëj asgjë tjetër. Madje, për ironi, orientojnë dhe të afërmit e të sëmurëve në farmacitë se ku të blejnë shiringat apo medikamentet që vetë urgjenca duhet t’i ofronte.
Kushtet higjenike dhe mungesa e medikamenteve të bëjnë të mendosh sikur jemi një shtet lufte dhe jo sikur kemi 27 vjet demokraci.
Kryeministri i cili ‘rreh’ gjoksin për ‘arritjet’ në shëndetësi duhet të bëj disa kontrolle para se të mashtrojë popullin. E ftojë Kryeministrin të shkojë në urgjencën e spitalit të Durrësit dhe të verifikojë situatën dhe të shikojë vetë me syt e tij nëse mund të gjejë qoftë dhe një shiringë për një qetësues.
