Papa Françesku ka shkuar në spitalin Gemelli të Romës për një kontroll, sipas agjencisë së lajmeve Ansa. Pas ekzaminimit të kryer, Papa u largua nga spitali dhe u kthye në Casa Santa Marta.
Papa, i cili është 86 vjeç, u shtrua pesë ditë në spital në fillim të këtij viti pas një infeksion të mushkërive. Ai doli nga spitali me makinë në orën 11.20 dhe hyri në Vatikan, përmes portës së Perugino, në orën 11.40.
Papa është përballur me një sërë sëmundjesh vitet e fundit.
Në korrik 2021, atij iu hoq një pjesë e zorrës së trashë në një operacion që synonte trajtimin e divertikulitit, që shkakton dhimbje të zorrëve.
