Një aksident i rëndë automobilistik ka ndodhur mbrëmjen e sotme në rrugën e Kombit ku 2 automjete janë përplasur me njëra-tjetrën në aksin Milot-Rrëshen në afërsi të karburantit ‘Toma’.
Dy persona mbetën të bllokuar në makina dhe u nxorrën nga zjarrëfikësit me shumë vështirësi.
Si pasojë e aksidentit kanë mbetur të plagosur në total 7 persona, ku mes tyre kanë qenë dhe tri vajza të mitura, të cilat udhëtonin me mjetin tip “Audi” së bashku me familjen.
Nga ana tjetër, në automjetin tip BMW udhëtonin dy shtetase nga Kosova, me inicaile B. S. dhe M. S.
Janë dërguar në Spitalin Rajonal të Rrëshenit 4 nga të dëmtuarit, ndërsa 3 prej tyre janë transportuar për në Spitalin e Traumës Tiranë, ku paraprakisht ndodhen jashtë rrezikut për jetën.
