Një plagosje e dyfishtë me thikë ka ndodhur në Sarandë këtë të Shtunë. Të plagosurit janë Edmond Sulo, 54 vjeç dhe Spiro Llambri, 52 vjeç, të cilët raportohet se nndodhen jashtë rrezikut për jetën.
Autori i krimit, 52-vjeçari Fatmir Jashari, ka qenë edhe më herët i dënuar. Mësohet se Jashari, ndryshe i njohur me pseudonimin “Radari”, me profesion peshkatar është arrestuar në Korfuz në vitin 2000, pasi po kryente trafik droge me një skaf. Si pasojë, ai u dënua me 2 vite burg.
Ai është arrestuar gjithështu në vitin 2009 nga Policia e Gjirokastrës me një sasi prej 50 kg marijuane, por u lirua pas disa muajsh.
Në vitin 2013, ai është kapur në Sorone, Bashkia Konispol me 240 kg marijuane.
Policia gjeti nga kontrollet në banesën e tij në vitin 2009 3 armë zjarri automatike tip Kallashnikov, 2 kilogramë tritol, 680 kapsolla detonatore, ku 50 copë ishin të montuara me fije teli, 50 metra fitil ndezës, 1500 fishekë model 56 (automatiku) dhe 6 krehëra automatiku me fishekë.
