Fatjon Muhameti nuk është më trajner i Tiranës U-17. Është vetë ai që përmes një postimi në rrjetet sociale bën me dije se i ka dhënë fund aventurës me bardheblutë.
Muhameti largohet mes emocionesh dhe këtë nuk e fsheh në Facebook-n e tij.
“Nga sot nuk jam më trajneri U-17 profesionist i Akademisë Tirona. Klub ku unë u rrita që fëmijë me këto ngjyra bardheblu dhe stërvita mbi 10 vjet, ku punova me shumë lojtarë, me shumë trajnerë të kualifikuar dhe mora shumë emocione dhe mbi të gjitha shumë kupa. Lojtarë që sot luajtën në ekipe të ndryshme. Ju uroj shumë fat”, shkruan Muhameti.
Tashmë pritet me interes të shihet se kush do të jetë trajneri që do të zëvendësojë Muhametin në këtë post për 17-vjeçarët e klubit të Tiranës.
