Presidenti i Serbisë Aleksandër Vuçiç ka njoftuar dorëheqjen nga drejtimi i Partisë Progresive Serbe (SNS) që qeveris vendin. Nga mitingu i mbledhur këtë pasdite në Beograd, ai u shpreh se nga nesër do jetë vetëm “President i popullit”.
Tubimi erdhi pasi ditët e kaluara, dhjetëra mijëra njerëz protestuan me ftesë të opozitës, të pakënaqur me reagimin e qeverisë ndaj vrasjeve masive që tronditën vendin.
Ai foli edhe për Kosovën. Vuçiç i cili po përpiqet të përdorë situatën për interesat e tij politikë, tha se aksioni i ditës së sotme nga Forcat Speciale të Kosovës duket se ishte i planifikuar dhe si përgjigje njoftoi mbledhje të Këshillit të Sigurisë ditën e nesërme.
Ai kritikoi edhe shtetet e QUINT-it duke thënë se nëse do të kishin ndërhyrë situata nuk do të kishte shkuar deri në këtë gjendje që është tani.
“Sot, sikur të ishin duke pritur për këtë ditë, për një numër të madh të burrave nga veriu që të vijnë në Beograd, që të sulmojnë ndërtesat komunale në Zubin Potok, Zveçan e Leposaviç.
Ndërkohë, në tubim mori pjesë edhe ministri i Punëve të Jashtme të Serbisë, Ivica Daçiç, i cili pretendoi se Kosova po tenton të pushtojë komunat serbe me forcë.
Ai madje, deklaroi se “nuk do të dorëzohen për Kosovën”.
“Ne nuk do të dorëzohemi për Kosovën, ne nuk do ta japim Serbinë, fëmijët tanë”, tha ai.
