Prej disa vitesh, ai mban vendin e biznesmenit më të pasur në Shqipëri dhe siç mund ta merrni me mend, ditëlindja e tij e 50-të nuk mund të kalonte pa u vënë re.
Samir Mane ditën e nesërme feston 50-vjetorin dhe të thuash që nuk është kursyer, është pak… Biznesmeni i njohur së bashku me miqtë e tij, gjatë ditë së sotme janë nisur me një avion privat për në Stamboll të Turqisë, ku do të mbahet edhe festa në nder të Manes.
Siç shihet në fotot e siguruara nga “Xing.al”, të ftuar kanë qenë familja Frangaj, familja Fevziu, Ermal Mamaqi, familja Hoxha, Agim Zeqo, Enada At’nikolla, Nora Gega, Grigor Joti, Renis Tërshana etj. Të ftuarit VIP të biznesmenit themelues të “Balfin Group” mëngjesin e sotëm kanë mbërritur në aeroportin e Rinasit duke habitur qytetarët, teksa qëndornin të gjithë në radhë në pritje për të hipur në avion./Xing.al
