Në Korçë dhe Gjirokastër po mbahet java e kulturës greke ku dhe zhvillohen një sërë aktivitetesh në kuadër të Javëve Kulturore Ndërkombëtare 2023, të organizuara nga Ministria e Kulturës e Shqipërisë.
Në Derviçian ishte i pranishëm në kuadër të festimeve për Javën e Kulturës Greke, konsulli grek ne Gjirokastër, Dimitrios Sacharidis i cili foli për arrestimin e kryebashkiakut të zgjedhur të Himarës, Fredi Beleri.
“Jemi sot në këtë event që zhvillohet në një situatë jo të zakonshme. Dy nga patriotet tanë, Fredi Bejleri dhe Panajot Kokaveshi janë të burgosur. Njëri sikurse e dini, ka edhe probleme serioze me shëndetin. Në këto ditë, gjithçka tjetër mendojmë përveçse festimeve. Ndaj dhe sivjet organizimet janë më të kufizuara, krahasuar me vitin e kaluar. Në këto orë të vështira, mendimi ynë është me njerëzit tanë që po jetojnë këtë situatë dhe me familjet e tyre.”, tha konsulli grek në Gjirokastër, Dimitrios Sacharidis.
