Shqipëria pret për herë të dytë stërvitjen më të madhe ushtarake në Evropë, “Defender Europe 23”. Stërvitja e përbashkët shumëkombëshe do të zhvillohet nga sot në Tiranë deri më 3 qershor.
Me nisjen e kësaj ceremonie, në Sheshin Nënë Tereza, ka mbajtur fjalën dhe ambasadorja e SHBA në Tiranë, Yuri Kim. Ajo u shpreh se SHBA është e lumtur që me Shqipërinë janë aleatë dhe miq. Ndër të tjera ambasadorja tha se aleatët e NATO, pas luftës në Ukrainë, sot janë më të bashkuar se kurrë.
“Shqiptarëve iu tha se demokracitë ishin armiqtë e tyre, u detyruan të ndërtonin bunkierë, shikoni përreth një Shqipëri të ndryshuar dhe kjo është historike. Shqipëria dhe shumë partnerë duke nisur një stërvitje ushtarake ndërkombëtare, jemi këtu si aleatë, miq partnerë, dikur të ndarë veçmas tani aleatë të NATO-s, dhe partnerët.
Shtetet e Bashkuara, Shqipëria dhe aletatët tanë të NATO-s janë më të bashkuar dhe më në formë se kurrë, s’mund të harroj fjalët e Skënderbeut, ‘bashkimi bën fuqinë’, që nga Defender 21 deri 23 Shqipëria dhe SHBA po bëjnë më shumë se kurrë më parë së bashku,.
Është një mundësi për të vënë në veprimtari këtë partneritet, mund të kryejmë çdo mision, ju falënderoj burra dhe gra të veshur me uniform për shërbimin tuaj që zgjodhët të mbroni vendin tuaj, ne”, Kim.
