Alma Qevani u vra me sëpatë nga kunati i saj Tefik Tashi dy ditë më parë në Elbasan. Në emisionin “Me Zemër të Hapur”, gruaja e Tefik Tashit, Eva ka hedhur poshtë deklaratat se mes tyre ka pasur lidhje mes tyre.
“Nuk është aspak e vërtetë që ka pasur lidhje intime mes tyre. Nuk është e vërtetë që e ka bullizuar apo sharë. Ai ka sharë Almën gjatë sherrit edhe pse Alma nuk i ka kthyer asnjë përgjigje”, ka treguar ajo.
Ajo ka treguar se Tefiku ishte revoltuar se nuk i kishte hapur telefonin dhe se i kishte qëlluar me shpullë.
“Ai i gjuajti me shpullë dhe më pas nxori sëpatën. E kishte fshehur në triko”, rrëfeu ajo.
“Një natë më parë na ka thënë do t’ju vras dhe do t’ju ther të treve. Ai nuk donte që Alma të ndërhynte kur Tefiku kthehej nga puna.”
Si je njohur me Tefikun?
Bashkëshortja e Tefikut, Eva: Nga një i njohur. Nuk kemi më lidhje me të.
Tefiku ka pasur martesë më parë?
Eva: Po ka qenë i martuar, ka katër fëmijë. Një i ka vdekur ka edhe 3. Alma nuk e ka sharë Tefikun. Përgjatë dy viteve nuk ka ardhur asnjëherë i dehur. Edhe ditën e ngjarjes nuk ka qenë i alkoolizuar.
Babai i viktimës: Krim me paramendim. të marrësh sëpatën 300 m larg e ta mbash fshehur është shumë e rëndë. Dënimi i tij duhet të jetë me burgim të përjetshëm. Kërkoj dënimin më të fortë.
