Një aksident ka ndodhur mesditën e kësaj të Marte në Librazhd.
Ngjarja ka ndodhur te zonja e njohur si “Kthesa e Lapidarit, ku një automjet tip “Benz” ka dalë nga rruga e ka përfunduar në humnerë.
Brenda në mjet raportohet të kenë qënë 3 persona, dy prej të cilëve kanë shpëtuar me dëmtime të lehta, ndërsa një 20-vjeçar i identifikuar si Aldion Lushi, ka marrë dëmtime në kokë dhe është nisur për mjekim të specializuar në Elbasan.
Ende nuk dihen shaqet dhe rrethanat e aksidentit, ndërsa paraprakisht dyshohet se shkak është bërë shpejtësia tej normale të lejuara.
Njoftimi i Policisë:
Elbasan/Informacion paraprak
Rreth orës 12:00, në aksin rrugor “Librazhd-Elbasan”, shtetasi A. L., 20 vjeç, duke drejtuar automjetin tip “Benz”, dyshohet se ka humbur kontrollin mbi drejtimin e automjetit dhe automjeti ka dalë nga rruga. Si pasojë e daljes së automjetit nga rruga është dëmtuar 20-vjeçari, i cili ndodhet në kujdesin e mjekëve. Grupi hetimor ndodhet në vendngjarje dhe vijon punën për zbardhjen e rrethanave të këtij aksidenti.
