Të mërkurën do të luhet derbi i kryeqytetit mes Tiranës dhe Partizanit, i vlefshëm për javën e 33-të.
Një sfidë që pritet me mjaft interes nga gjithë sportdashësit që do të tentojnë të marrin maksimumin.
Prej 3 ditësh ka nisur shitja e biletave, ndërsa sipas Newsport.al deri më tani janë shitur plot 11700 bileta.
Nëse vijon me ritme të tilla dhe duke llogaritur që shumë prej tifozëve e lënë për momentin e fundit, pa dyshim stadiumi “Air Albania” mund të jetë “sold out” në ditën e ndeshjes.
Kujtojmë që përballja mes Tiranës dhe Partizanit mund të vendosë shumë për fatet e kampionatit. Bardheblutë kryesojnë Superioren me 59 pikë, të ndjekur me 2 pikë më pak nga të kuqtë.
Barazimi do t’i shkonte për shtat skuadrës së drejtuar nga trajneri Orges Shehi, ndërsa fitorja padyshim që do të favorizonte ekipin triumfues.
