Policia vepron me dy standarde kur bëhet fjalë për heqjen e posterave elektoralë duke toleruar Partinë Socialiste dhe Edi Ramën i cili ka pushtuar Tiranën me banderola, kurse e njëjta gjë nuk ndodh me “Lëvizjen Bashkë” e cila ndodhet nën terrorin e shtetit policor.
Mesditën e sotme punonjës të Policisë Bashkiake dhe Policisë së Shtetit kanë cënuar selinë e “Lëvizjes BASHKË” që të heqë materialet politike identifikuese, duke kërcënuar me heqjen me forcë të tyre.
Sipas “Lëvizjes Bashkë”, kjo kërkesë e policisë është plotësisht e paligjshme.
Reagimi nga Lëvizja BASHKË
“POLICIA CENON SELINË E LËVIZJES BASHKË
Për rreth një orë punonjës të Policisë Bashkiake dhe Policisë së Shtetit kanë kërkuar që Lëvizja BASHKË të heqë materialet politike identifikuese nga selia, duke kërcënuar me heqjen me forcë të tyre.
Kjo tentativë është kryekëput e paligjshme. Sipas Kodit Zgjedhor, të përforcuar nga vendimi nr. 111 i KAS-it, i marrë mbrëmë në orën 22:00, Lëvizjes BASHKË i lejohet afishimi i materialeve zgjedhore në selinë e saj.
Ndërkohë, Tirana është përplot me materiale propagandistike të partive të vjetra.
Lëvizja BASHKË është e vendosur të mbrojë të drejtat që na jep ligji, si dhe të drejtën e çdo qytetari që të votojë i lirë dhe i qetë.
Me këtë rast, u bëjmë thirrje të gjithë qytetarëve që të shkojnë të votojnë.”
